ღირსი ქრისტოდულე სასწაულმოქმედი (+1111)

17 (30) მარტი

ღირსი ქრისტოდულე სასწაულმოქმედი წარმოშობით ნიკეელი იყო. თავიდან ბითვინიაში, ლატარას მთაზე მოღვაწეობდა, შემდეგ კი მონასტერის იღუმენი იყო კუნძულ კოსაზე. 1089 წელს ღირსმა მამამ იმპერატორ ალექსი კომნენს სთხოვა, კუნძულ კოსაზე და კარიის სანაპიროზე მდებარე მიწების სანაცვლოდ მისთვის დაეთმო კუნძული პატმოსი. შემდეგ ქრისტოდულემ ძმებთან ერთად დატოვა პატმოსი და წავიდა კუნძულ ევბაზე, სადაც გარდაიცვალა კიდეც 1111 წელს. მოწაფეებმა მისი ნაწილები პატმოსზე გადმოასვენეს.

„წმიდანთა ცხოვრება", ტომი I, თბილისი, 2001 წ.