წმ. მამა გაბრიელის სახ. პირველი ტაძარი ლიკანში აშენდება

მამა გაბრიელ სალოსის წმიდანად კურთხევის შემდეგ, მისი სახელობის პირველი ტაძარი ბორჯომ-ბაკურიანის ეპარქიაში ლიკანში აშენდება.

ეს ადგილი ბორჯომისა და ბაკურიანის ეპარქიის მიტროპპლოტმა მეუფე სერაფიმემ (ჯოჯუა) აკურთხა.

ტაძართან ერთად ლიკანში სამეუფეო რეზიდენციის მშენებლობაც მიმდინარეობს. მშენებლობა მრევლის შემოწირულობით ხორციელდება. გახსნილია საბანკო ანგარიშები სადაც მსურველებს თანხის გადარიცხვის საშუალება მიეცემათ.

შეგახსენებთ, საქართველოს მართლმადიდებელი ეკლესიის წმიდა სინოდმა მამა გაბრიელი (ურგებაძე) წმიდანად 20 დეკემბერს შერაცხა.

წმიდანის ხსენების დღე 2 ნოემბერს დაწესდა.