- სასმელი მინერალური წყლები
- ფლორა
- ფაუნა
- მინერალური რესურსები
- წყლის რესურსები
- საზღვრები
- ფართობი
- ტერიტორიის ფორმირება
- ატმოსფერული ცირკულაცია
- მზის რადიაცია
- ჰავა
- გეოპოლიტიკური მდებარეობა
- ეკონომიკურ-გეოგრაფიული მდებარეობა
- ფიზიკურ-გეოგრაფიული მდებარეობა
- საქართველოს სამეფო
- სამცხე-საათაბაგო
- იმერეთის სამეფო
- კახეთის სამეფო
- ქართლის სამეფო
- ჰერეთის სამეფო
- აფხაზთა სამეფო
- ტაო-კლარჯეთის სამეფო
- ეგრისის სამეფო
- იბერიის სამეფო
- დიაოხის სამეფო
- ქართლ-კახეთის სამეფო XVIII საუკუნის 80-90-იან წლებში
- დასავლეთ საქართველოს სამეფო-სამთავროები XVIII საუკუნეში
- ქართლ-კახეთი XVIII საუკუნის 40-70 იან წლებში
- ქართლის და კახეთის სამეფოები XVIII საუკუნის პირველ ნახევარში
- სამცხე-საათაბაგო XVII საუკუნეში
ტკბილი თავი საჭმელები
ოლადი (1)
ბორჯომის წყალში გახსენით ფქვილი იმდენი, რომ ცომი სქელი არაჟნის სისქის გამოვიდეს. შეურიეთ 2-3 სუფრის კოვზი ზეთი, 2-3 სუფრის კოვზი შაქრის ფხვნილი, მარილი დანის წვერით, ვანილი, ლიმონის ცედრა და დარიჩინი გემოვნებით.
ტაფა გააცხელეთ, დაასხით ზეთი ბლომად და წამოადუღეთ. აიღეთ ცომი სუფრის კოვზით და მოათავსეთ ტაფაზე ერთმანეთისაგან დაშორებით. როცა შეიწვება, სათითაოდ გადააბრუნეთ და შეწვით მეორე მხრიდანაც. გამზადებულ ოლადებს ზემოდან მოაყარეთ შაქრის ფხვნილი ან „პუდრა".
მასალა:
ბორჯომი - 0,5 ლ.
ფქვილი - რამდენიც საჭიროა
შაქრის ფხვნილი - 2-3 სუფრის კოვზი
შაქრის ფქვილი („პუდრა") - მოსაყრელად
მარილი - დანის წვერით
ვანილი, დარიჩინი - გემოვნებით
ზეთი - 1-1,5 ჩაის ჭიქა
ბლინი (1)
ნახევარ ლიტრ წყალში გახსენით ფქვილი იმდენი, რომ თხელი არაჟნისმაგვარი მასა მიიღოთ. შეურიეთ ზეთი, მარილი და სოდა.
კარგად გააცხელეთ ტაფა, ზეთი მოუსვით ფუნჯით, თანაბრად მოასხით გამზადებული ცომი და შეწვით ორივე მხრიდან.
თითოეულ ბლინს ზემოდან გადაუსვით ნებისმიერი ხილის ჯემი და გადაახვიეთ (შეგიძლიათ მოაყაროთ მარტო შაქრის ფხვნილი და გადაახვიოთ).
მასალა:
წყალი - 0,5 ლ.
ფქვილი - რამდენიც საჭიროა
ზეთი შესაწვავად - 2-3 სუფრის კოვზი
ზეთი ცომში - 2 სუფრის კოვზი
მარილი, სოდა - დანის წვერით
ქუმელა (1)
ტაფაზე მოხალეთ ხორბლის ფქვილი (გაყავისფრებამდე). ანადუღარ წყალს შეურიეთ თაფლი და მოზილეთ სქელი ცომი. აიღეთ პატარა ულუფები, დაამრგვალეთ, შემდეგ გააბრტყელეთ და ზემოდან დასერეთ დანით. წრიულად დააწყვეთ ბრტყელ თეფშზე და ისე მიიტანეთ სუფრაზე.
(თაფლის ნაცვლად შეგიძლიათ იხმაროთ შაქრის ფხვნილი)
მასალა:
ფქვილი - 3 ჩაის ჭიქა
თაფლი - 100-150 გ.
წყალი - საჭირო რაოდენობით
ბრინჯის ტკბილი ფლავი (1)
ქვაბში აადუღეთ (საკმაო რაოდენობით) მარილიანი წყალი, ჩაყარეთ გარეცხილი ბრინჯი და ნახევრად მოხარშეთ. გადაწურეთ თუშფალანგზე, მოასხით ცივი წყალი. პატარა ქვაბში აადუღეთ 1,5 ჩაის ჭიქა ზეთი, მდუღარეში ჩაყარეთ 2 ჩაის ჭიქა ქიშმიში და ისევ ადუღეთ 1-2 წუთი.
თუჯის ან სქელძირიან ალუმინის ქვაბში ჩაასხით ცოტაოდენი ზეთი (ქიშმიშიანი ზეთიდან). ქვაბის ძირი მოფინეთ ბრტყლად დაჭრილი ვაშლით, ან კომშით (კანიანად). მოაყარეთ გაწურული ბრინჯის ნაწილი, ზეთიანი ქიშმიში და 1 სუფრის კოვზი შაქრის ფხვნილი. ასე გაიმეორეთ ფენები ბრინჯის დამთავრებამდე. ბოლოს მოაყარეთ დარჩენილი ქიშმიში ზეთიანად. სახურავს მოახვიეთ ტილო, მჭიდროდ დაახურეთ ქვაბს და გააჩერეთ ნელ ცეცხლზე, ბრინჯის მოხარშვამდე. ფლავი შეგიძლიათ გაალამაზოთ თეთრი ბლის, საზამთროს, კომშის ან თქვენთვის სასურველი მურაბით.
მასალა:
ბრინჯი - 1 კგ.
ზეთი - 1,5 ჩაის ჭიქა
ქიშმიში - 2 ჩაის ჭიქა
შაქრის ფხვნილი - 0,5 ჩაის ჭიქა
მარილი - 1 სუფრის კოვზი
ვაშლი - 4-5 ცალი
მურაბა - ნებისმიერი
საკურთხი | ზაქე მეზვერეზე | როგორ აფასებენ მიც... |
ილოცევდით, რაჲთა ა... | წმიდა მოწამენი: პრ... | წმიდა მოწამენი: აკ... |